Campaña seme 2018. Touros
Durante o mes de Xaneiro, os controladores, recollerán os pedidos de seme, correspondentes a Campaña 2018. Este reparto de seme, organizado por Xenética Fontao e as Africores, pretende achegar as ganderías de Control Leiteiro o mellor material xenético dispoñible, procedente do programa de Mellora Xenética de Galicia da Raza Frisona.
A oferta deste ano pode diferenciarse en 3 grupos de sementais:
D1 - Xenómicos Élite: CLUN e DONSIMÓN. Actualmente estes 2 touros ocupan o nº 1 e 2 do ranking español.
D2 - Touros probados e xenómicos: Grupo no que figuran 3 touros probados (ARMONICO, STOP e GOLDOURO), xunto con 11 xenómicos, con características e xenealoxía variada.
D3 - Touros sexados: Neste lote inclúense 4 sementais sexados (BI-BATTLE, SUPERTORO, LUACES e LEOMARCOS). A variabilidade xenética destes touros, facilita o seu apareamento na gran maioría das xovencas, en idade de cubrir.
